Sot në Kosovë, Shqipëri dhe Maqedoni do të mbajë mot i ngjashëm sikurse dje, pra mot i nxehtë dhe stabil. Gjatë ditës mund të ketë vranësira lokale kryesisht të shtresave më të larta atmosferike.
Temperaturat do të sillen ndërmjet -3 deri -1 gradë Celsius, ndërsa maksimalet e ditës parashihen të lëvizin ndërmjet 11-13 gradë Celsius.
Edhe nesër mot i ngjashëm ndoshta pak më i ftohtë, megjithatë do të jetë mjaft nxehtë për këtë periudhë kohore. Pra, rajoni ynë edhe sot dhe nes;r do të mbetet nën ndikimin e masave ajrore të nxehta dhe stabile me origjinë nga Evropa.
Nga e Premta pritet ndryshim i kushteve sinoptike. Nga verilindja e Kontinentit do të kemi depërtimin e një fronti të fuqishëm të ftohtë ajror i cili do të destabilizojë motin. Fillimisht priten reshje shiu kurse me fuqizimin e erërave veriore dhe uljen e temperaturave priten edhe reshje bore. Reshjet nuk do të jenë gjithëpërfshirëse dhe as intensive. Të Premtën natën dhe të Shtunën në rajonin tonë pritet të depërtojnë temperatura mjaft të ulëta me origjinë nga Siberia. Këto masa të ftohta ajrore nga Siberia do të na garantojnë një fundjavë mjaft të ftohtë posaqërisht netëve dhe mëngjeseve./Meteoballkan
