Një sistem i fuqishëm dhe i madh frontal gjendet tani në Austri dhe është duke avansuar drejt Slovenisë, Kroacisë, Bosnjes, Serbisë, Hungarisë dhe pastaj drejt Rumanisë. Në këto vende që i përmendëm priten shtrëngatat me të forta duke mos përjashtuar edhe tornadot.
Në territoret tona, veri të Malit të Zi dhe jugperëndim të Serbisë janë disa celula të jo-stabiliteve para-frontale, të cilat do të vazhdojnë të zhvillohen herë pas here dhe vende deri në orët e natës ku priten lokalisht rrebeshe të izoluara shiu me vetëtima dhe bubullimë, ndërsa mund të zhvillohet edhe ndonjë stuhi e izoluar kalimtare.
Sistemi masiv frontal do të lëvizë drejt lindjes duke u dobësuar në mbrëmje vonë diku në territorin e Rumanisë, ndërsa vendi ynë edhe sot po vazhdon të jetë nën ndikimin e ajrit të “sertë” afrikan.
Në Kosovë, Shqipëri dhe Maqedoninë Veriore zhvillimet kryesore dhe frontale parashihen të shtunën të ndodhin ku priten rrebeshe lokalisht të fuqishme shiu me vetëtima, bubullimë dhe gjasa për breshër. Temperaturat do të shënojnë ulje sidomos në viset kontinentale. Edhe në viset bregdetare priten stuhi kalimtare dhe ulje të lehta të temperaturave, por do të ketë orë të shumta me diell dhe me temperatura të larta./METEOBALLKAN
