Për momentin gjendemi nën ndikimin e masave ajrore me presion të lartë atmosferik dhe me tendencë të rritjes së mëtutjeshme të presionit atmosferik. Kjo nënkupton se do vazhdojë të mbajë mot kryesisht stabil, ndërkohë sot kishim disa zhvillime dhe rrebeshe shiu në Maqedoninë e Veriut ashtu siç ishin paralajmëruar. Riga shiu pati edhe në disa rajone kryesisht në juglinje të Republikës së Kosovës.
Një anticiklon masiv në Oqeanin Atlantik në mes të Skandinavisë dhe Britanisë së Madhe ka zgjatur kreshtën e tij deri në rajonin tonë duke u lidhur me anticiklonin e Azoreve në brigjet e Atlantikut përtej Portugalisë dhe ne jemi pikërisht nën ndikimin e këtyre masave të ndërlidhura dhe të komplikuara ajrore të cilat nga Evropa Qendore shtrihen në rajonin tonë dy ditët e ardshme duke na mundësuar edhe dy ditë të nxehtë dhe stabile verore.
Në anën tjetër nga Britania e Madhe kemi depërtimin e një sistemi të lagëssht ciklonik i cili do të zhvendoset në Gjermani e pastaj në drejtim të rajonit tonë direkt.
Përderisa në ende do të jemi nën pushtetin e rrezeve diellore në Slloveni do të fillojë përkeqësimi i motit me reshje dhe stuhi shiu nga e hëna. Fronti do të fillojë të zhvendoset në juglindje dhe te ne pritet të arrijë të mërkurën duke i dhënë fund edhe një vale nxehtësie dhe duke kushtëzuar rrebeshe lokale shiu me vetëtima dhe bubullimë.
Në Kosovë deri të martën me diell dhe nxehtë. Të martën pasdite vende-vende priten zhvillime me rrebeshe lokale shiu me vetëtima dhe bubullimë, ndërsa të mërkurën përpos Kosovës rrebeshe dhe shtrëngata shiu pritet të ketë edhe Shqipëria./Meteoballkan