Sot, përpos reshjeve atmosferike që priten nga orët e pasditës e sidomos në mbrëmje, në territorin e rajonit tonë do të ketë edhe erëra herë pas here të fuqishme. Fillimisht paradite do të kemi erëra jugperëndimore, kurse pasdite apo në mbrëmje do të fillojnë erërat e ftohta dhe herë pas here të fuqishme veriore.
Do të kemi edhe reshje të dendura shiu, kurse nuk përjashtohet mundësia që të kemi rrebeshe të fuqishme shiu me vetëtima dhe bubullimë.
Gjatë dhe pas kalimit të frontit në disa rajone erërat mund të arrijnë shpejtësinë nga 60 deri në 80 km/h. në nivel të Kosovës. Pra sonte në mbrëmje apelojmë qytetarët e Republikës së Kosovës që të kenë kujdes nga erërat e fuqishme dhe reshjet e përziera dhe të dendura atmosferike. Asesi nuk ka vend për panik, sepse nuk ka asgjë ekstreme, por gjithsesi në momente të caktuara pasdite dhe në mbrëmje duhet patur shumë kujdes. /Meteoballkan.
