Siç edhe po e shohim të gjithë sonte është nata më e ftohtë në rajonin tonë deri më tani e këtij dimri. Edhe pse bërthama e ajrit Arktik apo siberik gjendet në Karpatet e Rumanisë, Moldavi dhe Ukrainë, prapëseprapë sonte është mjaft ftohtë veçanërisht në Kosovë. por edhe në Shqipëri dhe Maqedoninë Veriore.
Të ftohtit është edhe më i fuqishëm për shkak të erërave nga verilindja edhe pse erërat janë kryesisht të dobëta ndjesia subjektive e të ftohtit është mjaft e lartë. Në veriun e Greqisë temperaturat kanë shënuar -17 gradë Celsius, ndërsa disa ditë më parë temperatura në bregdetin verior në Greqi ishte plus 30 gradë Celsius.
Edhe nesër do të vazhdojë të mbajë mot mjaft i ftohtë, por pritet zbutje e vogël e acarit. Nga pasnesër dhe të enjtën pritet zbutje e ndjeshme e acarit dhe ngritje e ndjeshme e temperaturave. Ky mot i ngrohtë do të jetë i përkohshëm për shkak se nga java tjetër sipas të gjitha gjasave priten fronte të reja të ftohta ajrore të cilat përpos shiut do të na sjellin edhe reshje të reja bore. Dimrin nuk duhet shpërfillur ose nënvlerësuar deri të afrohet pranvera kalendarike, bile edhe atëherë me rezerva./Meteoballkan