Sonte gjatë natës ekziston rrezik potencial për të pasur ngrica, megjithatë ka shpresë se gjatë natës nuk do të ketë kthjellim të tërësishëm të motit. Modelet indikojnë se mbi territorin e Republikës së Kosovës gjatë natës do të mbesin vranësira të pjesshme. Ne nuk mundemi asesi të dimë saktë se ku do të ketë vranësira e ku jo, por dihet se në ato rajone ku do të ketë vranësira gjatë natës ose erë nuk do të ketë ngrica, ndërsa në ato rajone ku eventualisht mund të ketë kthjellim të motit dhe nuk do të ketë erëra atëherë aty mund të ketë ngrica, por shikuar në përgjithësi rreziku më i madh për ngrica ekziston vetëm në viset kodrinore-malore.
Të shpresojmë që vranësirat të mos shpërndahen tërësisht deri në orët e mëngjesit dhe në këtë mënyrë të ndahemi të gjithë të kënaqur. Se sa përafërsisht parashihen temperaturat minimale natën e sontme mund të shihni në fotografinë kryesore dhe këtë brenda artikullit./Meteoballkan
