Vranësirat dhe reshjet nga Mesdheu po vijnë edhe në territorin e Republikës së Kosovë sonte dhe orëve të hershme të mëngjesit. Për shkak të mbetjeve të ajrit të ftohtë polar në disa zona priten reshje shiu e në disa zona tjera shqotë, borë dhe shira të ngrirë.
Për shkak të temperaturave të ulëta pranë sipërfaqes së tokës shiu që bjen nga Atmosfera mund të ngrihet dhe të shkaktojë sipërfaqe akulli në ato zona ku bjen dhe kjo mund të jetë e rrezikshme sidomos për pjesëmarrësit në komunikacion. Është e pamundur të dihet saktësisht se në cilat vise priten riga shiu që mund të ngrihen në sipërfaqe.
Sidoqoftë, temperaturat rriten në mëngjes vonë dhe pastaj priten vetëm reshje shiu. Lokalisht, herë pas here priten reshje të dendura shiu sidomos në Shqipëri dhe nganjëherë edhe në disa vise të Republikës së Kosovës. Në Kosovë do të ketë edhe intervale kohore pa reshje./MeteoBallkan
