Si pasojë e afrimit të frontit të fuqishëm nga Atlantiku sot po mbretëron mot më i nxehtë se ditëve të shkuara, por me erëra herë pas here të fuqishme jugperëndimi.
Gjatë orëve të ardhshme do të ketë fuqizim të mëtutjeshëm të erërave por do të mbetet kryesisht thatë.
Edhe pse ishte paraparë të kishte reshje, megjithatë simulimet më të fundit të modeleve kanë pakësuar dukshëm reshjet e shiut që ishin paraparë në Shqipëri por edhe në Kosovë neser pasdite dhe gjatë natës.
Gjithsesi reshje pritet të ketë dhe do të jenë të karakterit lokal por jo në sasi të mëdha siç ishte paraparë më herët, pra kemi të bëjmë me një ndryshim të vogël në parashikim. Sidoqoftë, atmosfera gjatë fundjavës do të jetë pjesërisht jo stabile dhe vende-vende do të ketë rrebeshe shiu, por në shumë pjesë të territoreve tona nuk priten reshje të mëdha ose do të jenë vetëm simbolike.
Erërat më të fuqishme sot dhe nesër do të jenë në disa pjesë të Republikes së Kosovës sidomos në veri të vendit, por lokalisht edhe në disa rajone tjera dhe ato mund të arrijnë shpejtësinë maksimale afërsisht nga 30 deri në 70 km/h. Pra, me këtë nënkuptojmë se nuk do të ketë erëra të forta në tërë territorin./Meteoballkan
