Sot kemi mot më të nxehtë se dita e djeshme, por vende-vende ka edhe vranësira të cilat pasdite vetëm në disa rajone mund të sjellin ndonjë rigë apo rrebesh të izoluar shiu. Nesër do të kemi mot edhe më të nxehtë, kurse edhe një pjesë e mirë e së dielës në Kosovë do të jetë ditë e nxehtë përpara se të arrijnë vranësirat e dendura nga Mesdheu të cilat pritet të arrijnë të gjatë mbrëmjes ose natën.
Edhe në Shqipëri, Maqedoninë e Veriut dhe Mal të Zi nesër mot me diell dhe i nxehtë ku në disa rajone gjatë ditës priten edhe zhvillim vranësirash.
Të dielën siç kemi paralajmëruar kaheherë do të ketë shtim të konsiderueshëm të vranësirave fillimisht në Shqipëri dhe Mal të Zi e pastaj në tërë rajonin. Gjatë ditës në Shqipëri priten rrebeshe lokale shiu me vetëtima dhe bubullimë të cilat do të intensifikohen gjatë orëve të natës dhe do të përfshijnë pjesë të mëdha të territorit. Rrebesh të fuqishme shiu priten edhe në Mal të Zi, kurse rrebeshet e shiu pasdite apo në mbrëmje priten edhe në shumë pjesë të Kosovës dhe Maqedonisë. Reshje, herë pas here të dendura shiu në Kosovë dhe Maqedoni priten gjatë natës në të hënën dhe të hënën, ku herë pas here ka mundësi që të ketë edhe rrebeshe të fuqishme lokae shiu me vetëtima bubullimë dhe breshër./Meteoballkan
