Sot në Kosovë do të mbajë mot kryesisht i vranët, kurse gjatë ditës apo pasdite në disa rajone do të ketë reshje të dobëta bore si pasojë e depërtimit të një fronti të dobët të ftohtë ajror.
Mot i ngjashëm pritet edhe në Shqipëri, Maqedoni dhe Mal të Zi, pra kryesisht mot i thatë dhe me ngritje të lehta të temperaturave.
Pasnesër në rajonin tonë do të depërtojë një front më i fuqishëm i ftohtë ajror i cili do të kushtëzojë krijimin e një cikloni afër jugut të Detit Adriatik. Si pasojë në tërë rajonin tonë priten reshje shiu dhe bore. Reshje shiu priten në bregdet dhe Ultësirën Perëndimore dhe disa ultësira tjera, kurse reshje bore priten në pjesët kontinetale të Shqipërisë, në Kosovë, Maqedoni dhe Mal të Zi. Reshjet e borës në disa çaste mund të jenë të dendura por nuk do të ketë sasi të madhe të reshjeve ashtu siç pati dy ditët e kaluara.
Pra, të hënën në tërë territorin e Republikës së Kosovës do të kemi reshje të herëpashershme bore të cilat do të ndërpritën vonë në mbrëmje. Reshje bore do të ketë edhe në veri, lindje dhe juglindje të Shqipërisë, kurse më të pakta do të jenë në Maqedoni. Reshje të dendura bore priten në veriun e Malit të Zi.
Të martën do të kemi ulje të temperaturave dhe reshje të rralla lokale bore.
Sipas ecurive aktuale nga e Enjta do të kemi ngritje disaditore të temperaturave por detaje tjera për këtë ditëve të ardhshme sepse modelet kanë analiza kontradiktore dhe duhet pritur edhe pak derisa të jemi më të sigurtë në mënyrë që të jemi më të saktë./Meteoballkan
