Mbi rajonin tonë edhe sot po mbizotëron mot mjaft i nxehtë dhe me diell si pasojë e masave stabile ajrore anticiklonike. Në tërë rajonin është kthjellët dhe pa vranësira, ose mund të ketë ndonjë vranësirë kalimtare.
Edhe nesër në tërë rajonin tonë pritet mot i ngjashëm sikurse sot, ndërsa nga e mërkura do të kemi ndryshimin e gjendjes sinoptike kur masa ajrore të ftohta nga veriu do të fillojnë të depërtojnë fillimisht në Kosovë e pastaj të enjtën në tërë rajonin. Në Kosovë priten reshje simbolike, ndërsa në Shqipëri, Mal të Zi dhe pjesë të Maqedonisë priten reshje pak më të mëdha me vetëtima dhe bubullimë, por prapëseprapë nuk priten reshje substanciale..
Pas uljes së ndjeshme të temperaturave për disa ditë moti do të përmirësohet përsëri dhe do të kemi ende periudha kohore me mot mjaft të mirë./Meteoballkan
