Sot në rajon moti është stabilizuar pas frontit të ftohtë ajror i cili uli pak temperaturat gjatë ditës së djeshme. Në përgjithësi po mban mot me diell, por ka edhe vranësira vende-vende. Gjatë pasdites së vonshme në disa rajone kryesisht kordinore-malore, në veçanti afër kufirit me Malin e Zi do të ketë rrebeshe të izoluara shiu me vetëtima dhe bubullimë.
Nesër pasdite pritet destabilizim i motit me rrebeshe lokale shiu me vetëtima dhe bubullimë në shumë pjesë të rajonit tonë, por ende reshjet nuk do të jenë gjithëpërfshirëse. Pra disa rajone do të përfitojnë reshje, ndërsa disa rajone tjera asnjë pikë, pra ende kemi të bëjmë me reshje tipike verore.
Edhe për fundjavë na pret mot i ndryshueshëm, me intervale kohore me diell dhe zhvillim lokal të vranësirave të cilat do të sjellin rrebeshe lokale shiu me vetëtima dhe bubullimë./Meteoballkan
