Sot në Kosovë dhe tërë rajonin do të mbajë mot i vranët dhe vende-vende edhe me reshje shiu, kurse në viset kodrinore-malore me reshje dëbore. Reshje të dendura dëbore herë pas here do të ketë në viset malore të Maqedonisë së Veriut dhe juglindjes e lindjes së Shqipërisë.
Në Shqipëri vende-vende do të ketë erëra të fuqishme lindore të cilat do të arrijnë shpejtësinë maksimale rreth 90 km/h. Erëra do të ketë edhe në Kosovë lokalisht, por pak më të buta (Maksimumi rreth 50-55-60 km/h).
Mot i ngjashëm do të mbajë edhe ditëve të ardhshme, me ngritje të temperaturave, por edhe me reshje të herëpashershme shiu dhe dëbore në viset kodrinore-malore. Erërat do të dobësohen gradualisht të premtën.
Përmirësim i motit me rreze diellore dhe ngritje të temperaturave pritet të dielën. /Meteoballkan
