Siç po shihet edhe në imazhin satelitor sot në rajonin po dominojnë kthjellimet në shumicën absolute të territoreve tona.
Gjithashtu kemi ngritje graduale të temperaturave dhe erëra të lehta deri mesatare nga jugperëndimi.
Nga nesër do të jetë edhe më nxehtë, pra priten ngritje të mëtutjeshme të temperaturave në tërë rajonin, por do të kemi edhe fuqizim gradual të erërave jugore dhe jugperëndimore.
Përpos motit me diell, nuk përjashtohet mundësia që të kemi edhe vranësira herë pas here, por reshje atmosferike nuk priten me përjashtim të ditës së diel kur mund të kemi riga afatshkurtra dhe të dobëta lokale shiu./Meteoballkan
