Sot në Kosovë do të mbajë mot kryesisht me diell por edhe me vranësira të herë pas hershme. Temperaturat do të shënojnë ngritje si pasojë e depërtimit të ajrit më të nxehtë nga Mesdheu.
Në Shqipëri sot mot kryesisht me diell dhe me vranësira lokale ku pasdite në juglindje dhe jug të vendit ka mundësi për riga lokale shiu.
Edhe në Maqedoni n do të mbajë mot i ngjashëm pra me vranësira dhe intervale kohore me diell por edhe mundësi për riga lokale shiu posaqërisht në jugperëndim të Maqedonisë.
Të shtunën në Kosovë do të kemi mot të ndryshueshëm, me intervale kohore me diell dhe vranësira të cilat ka mundësi të sjellin edhe riga lokale shiu.
Në Shqipëri dhe Maqedoni të shtunën do të mbajë mot kryesisht me diell por edhe me vranësira kalimtare. Reshje nuk pritet të ketë.
Të dielen në tërë rajonin tonë do të mbajë mot kryesisht me diell por edhe me vranësira kalimtare. Modelet janë paksa konfuze këto ditë për shkak të Medikanit të fuqishëm i cili pritet të godasë Greqinë ditëve të ardhshme dhe për këtë arsye kanë edhe vështirësi në parashikimin shumë të saktë të motit në rajonin tonë.
Sidoqoftë ecuritë më të fundit sinoptike tregojnë se ditën e Martë të javës së ardhshme do të kemi reshje të dendura shiu si në Kosovë, poashtu edhe në pjesën më të madhe të Shqipërisë dhe Maqedonisë.
Ishin këto të rejat më të fundit të ecurive sinoptike dhe për çdo ndryshim eventual do të keni lajmërime të reja nga Beteoballkan./Meteoballkan
