Sot në Kosovë pas një mëngjesi jashtëzakonisht të ftohtë gjatë ditës pritet që moti të zbutet pak, kurse në mbrëmje përsëri do të jetë ftohtë. Do të ketë edhe vranësira kalimtare kurse nëpër lugina mund të krijohet edhe mjegulla. Reshje atmosferike nuk do të ketë.
Edhe në Shqipëri, Maqedoni dhe Mal të Zi gjatë ditës së sotme pritet të mbajë mot pa të reshura atmosferike por mjaft i ftohtë. Gjatë ditës pritet që acari të zbutet gradualisht por në mbrëmje acari do të rikthehet. Nëpër lugina do të ketë mjegull apo vranësira të ulëta.
Nga sot pra, rajoni ynë dë të jetë nën ndikimin e masave ajrore të thata anticiklonike të cilat do të kushtëzojnë mot pa reshje atmosferike por shumë të ftohtë. Fati i mirë është se i ftohti i madh nuk do të zgjasë shumë, sepse nga e Premtja do të kemi depërtimin gradual të masave ajrore më të nxehta nga Atlantiku dhe Mesdheu. Këto masa ajrore mund të na sjellin edhe ndonjë reshje të dobët shiu, në ultësira dhe reshje të dobëta bore në viset malore. Ka mundësi që të paraqitet edhe shiu i cili do të ngrihet në tokë. Nga fundjava pritet që të kemi ngritje të mëtutjeshme të temperaturave.
Informacione dhe detaje tjera në postimet tona të ardhshme në meteoballkan.com./Meteoballkan.
