Një vorbullë të dobët ciklonike kemi të vendosur mbi Itali këto ditë dhe ndikimi i saj tek ne nuk është aq i madh. Ndikimi i saj është shumë më i madh në Itali, Bosnjë dhe Hercegovinë, Kroaci, Slloveni dhe pjesën veriore të Malit të Zi ku dje ka patur rrebeshe të fuqishme lokale shiu me vetëtima, bubullimë dhe breshër. Rrebeshe të izoluara ka patur edhe në Shqipëri dhe Kosovë.
Sot do të vazhdojë mot i ngjashëm, edhe pse në këto çaste është kryesisht kthjellët shumë shpejt në disa rajone priten zhvillime të vranësirave të cilat do të sjellin rrebeshe të izoluara shiu me vetëtima dhe bubullimë. Disa nga këto rrebeshe mund të jenë potencialisht të fuqishme, por prapëseprapë shumë rajone do të mbesin pa reshje. Në këto çaste veriu i Malit të Zi është përfshirë nga rrebeshe të fuqishme lokale shiu me vetëtima, bubullimë dhe breshër.
Në orët e ardhshme zhvillimë lokale do të ketë edhe në Kosovë, Maqedoninë e Veriut dhe Shqipëri dhe këto zhvillime do të jenë kryesisht në viset kodrinore-malore më shumë por duke mos përjashtuar edhe viset tjera./Meteoballkan
