Sot në Kosovë do të mbajë mot me diell dhe zhvillim vranësirash të cilat në orët e pasdites dhe mbrëmjes do të sjellin rrebeshe lokale shiu me vetëtima, bubullimë dhe mundësi edhe për breshër. Reshjet nuk do të jenë gjithëpërfshirëse.
Në Shqipëri mot i ngjashëm, me diell dhe pasdite me zhvillim vranësirash të cilat do të sjellin rrebeshe lokale shiu me vetëtima, bubullimë dhe mundësi edhe për breshër.
Në Maqedoninë Veriore dhe Mal të Zi do të mbajë mot i ngjashëm me rrebeshe lokale shiu me vetëtima dhe bubullimë. Rrebeshet do të jenë mjaft të fuqishme në veriun e Malit të Zi.
Edhe ditëve të ardhshme në tërë rajonin do të vazhdojë të mbajë mot i nxehtë, pra masa ajrore e nxehtë nuk do të largohet, por për dallim nga ditët e kaluara përpos nxehtësisë priten edhe rrebeshe lokale shiu me vetëtima bubullimë dhe breshër pasditeve, mbrëmjeve dhe netëve të cilat do të freskojnë motin në ato rajone ku ato do të ndodhin./Meteoballkan
