Zhvillime të fuqishme konvektive në atmosferë parashihen në Kosovë sot orëve të pasdites, eventualisht orëve të mbrëmjes. Lagështia është e lartë në atmosferë, ndërsa intervalet kohore me diell (që rrisin temperaturat) që po i shohim tani janë një infuzion i fortë për rrebeshet dhe stuhitë eventuale të pasdites.
Në Kosovë priten zhvillime të fuqishme konvektive me rrebeshe lokalisht të fuqishme shiu me vetëtima, bubullimë dhe nuk përjashtohet mundësia që të ketë breshër. Ka gjasa për krijimin e ndonjë shtrëngate të fuqishme lokale në kuadër të ndonjë sistemi të fuqishëm frontal që mund të kushtëzojë bubullima të forta.
Rrebeshe lokale parashihen edhe në disa vise kontinentale të Shqipërisë, Malit të Zi dhe Maqedonisë së Veriut, por më së shumti priten në disa vise të Republikës së Kosovës. Në orët e mbrëmjes do të pasojë stabilizimi gradual i atmosferës.
E Premtja na sjellë më shumë intervale kohore me diell dhe më pak vranësira, por prapëseprapë në disa vise të Kosovë orëve të vonshme do të ketë zhvillime të rrebesheve të izoluara me vetëtima dhe bubullimë./METEOBALLKAN