Sot në Kosovë do të mbajë mot me diell dhe mjaft i nxehtë. Temperaturat maksimale do të arrijnë rreth 33-34 gradë celsius. Do të fillojë të fryjë erë mesatare e në disa rajone pak e fuqishme nga jugperëndimi.
Në Shqipëri mot i kthjellët, me diell dhe mjaft i nxehtë.
Ngjashëm do të jetë në tërë rajonin, pra pritet mot me diell dhe mjaft i nxehtë.
Të hënën në Kosovë do të fillojë ulja graduale e temperaturave, ndërsa pasdite do të ketë zhvillim vranësirash të cilat vende-vende do të kushtëzojnë rrebeshe shiu me vetëtima dhe bubullimë.
Në pjesët tjera të rajonit tonë edhe të hënën pritet mot kryesisht me diell dhe i nxehtë.
Të martën në Kosovë pritet të kemi mot mjaft jostabil. Gjatë ditës, pasdite dhe në mbrëmje priten zhvillime të fuqishme të vranësirave të cilat do të na sjellin rrebeshe lokalisht të fuqishme shiu me vetëtima dhe bubullimë. Rrebeshe të fuqishme shiu të martën priten edhe në veriun e Malit të Zi, kurse pjesët tjera do të mbesin ende me mot kryesisht me diell dhe i nxehtë.
Të mërkurën pritet destabilizim i motit në tërë rajonin, pritet shtim i vranësirave, ulje e temperaturave dhe reshje shiu në Kosovë, vende-vende priten edhe rrebeshe shiu me vetëtima dhe bubullimë. Rrebeshe të fuqishme shiu të mërkurën pasdite dhe gjatë natës priten edhe në Shqipëri. Të enjtën mot kryesisht pa reshje, por i freskët./Meteoballkan
