Nga sot fillon vala e parë e nxehtësisë tropikale në rajonin tonë.
Sot në Kosovë do të mbajë mot i këndshëm, i nxehtë dhe kryesisht stabil. Do të fillojë depërtimi gradual i masave të nxehta ajrore me origjinë nga Afrika Veriore. Temperaturat maksimale pritet të arrijnë rreth 30 gradë Celsius në nivel vendi. Pasdite në disa rajone do të rifillojnë erërat jugperëndimore.
Në Shqipëri, Maqedoninë Veriore dhe Mal të Zi do të mbajë mot kryesisht me diell, i qetë dhe i nxehtë.
Pasnesër dhe ditëve të ardhshme do të kemi ditë tropikale në tërë rajonin. Me këtë nënkuptojmë se temperaturat maksimale do të arrijnë dhe tejkalojnë shifren 30 gradë Celsius. Do të kemi diell, por edhe vranësira herë pas here, kurse në disa rajone do të ketë edhe erëra të fuqishme jugore.
Pra, është kjo vala e pare serioze e nxehtësisë tropikale në rajonin tonë dhe pritet të zgjasë disa ditë ku temperaturat maksimale mund të arrijnë deri në 35-36 gradë Ceslius. /Meteoballkan
