Ecuritë më të fundit sinoptike përkundër disa shenjave ditëve të fundit prapëseprapë janë pak a shumë zhgënjyese sa i përket stabilizimit të motit për një kohë të gjatë. Nga nesër do të kemi ngritje të theksuar të temperaturave dhe ndoshta do të kemi dy ose tre ditë të mira, megjithatë masa të reja ajrore jostabile do të depërtojnë mbi rajonin tonë, të cilat në kombinim me nxehtësinë do të krijojnë kushte për zhvillimin e stuhive të fuqishme të lokalizuara me vetëtima dhe bubullimë.
Kjo vlenë në përgjithësi për rajonin tonë, dhe në vecanti për viset kontinentale të rajonin tonë, e më pak vlenë për viset bregdetare, edhe pse edhe atje nganjëherë, shumë më rrallë do të ketë destabilizim të motit. Ky postim vlenë më së shumti për pjesët kontinentale të rajonin tonë. Dita më e nxehtë do të jetë e shtuna në Kosovë, kurse nga e diela priten ulje të lehta të temperaturave, ndërsa nga e hëna priten edhe jostabilitete të reja lokale shiu me vetëtima dhe bubullimë.
Pra edhe njëherë të sqarojmë: Bregdeti do të ketë mot mjaft të mirë, të nxehtë dhe me shumë diell, kurse viset tjera, pjesërisht nga e diela e më shumë nga e hëna përsëri do të kenë reshje kryesisht të izoluara shiu me vetimatima dhe bubullimë. Sidoqoftë ne do të përcjellim evoluimin e ecurive sinoptike dhe do tju njoftojmë në postimet tona të përditshme./Meteoballkan
