Pas frontit të fuqishëm të mesjavës tani mbi rajonin tonë kanë depërtuar masa ajrore stabile anticiklonike të cilat do të na sigurojnë disa ditë të mira dhe stabile verore. Gjithashtu kemi ngritje graduale të temperaturave por nuk kemi nxehtësi ekstreme siç ishte rasti në javën e kaluar.
Nga nesër temperaturat do të shënojnë ngritje graduale, ndërsa nga e hëna pritet të kemi disa ditë tropikale që dmth. se do të kemi temperatura 30 e mbi 30 gradë celsius në shumicën e territoreve të rajonit tonë. Masat ajrore anticiklonike do të “përkujdesen” që mos të ketë reshje atmosferike.
Mbrëmjet, netët dhe mëngjeset do të vazhdojnë të jenë të freskëta posaçërisht në viset kontinentale dhe kjo është një ndihmë e madhe për ata persona të cilët nuk e durojnë nxehtësinë tropikale. Gjatë ditëve të ardhshme preferohet që kemi kujdes në mesditë për shkak të rrezeve UV dhe temperaturave të larta dhe kjo vlenë sidomos për personat e moshuar dhe personat me sëmundje kronike./Meteoballkan
