Pas qetësimit disaditor të motit në Itali e cila u përball me stuhi mjaft të fuqishme javën e kaluar duket se stuhi të reja mjaft të fuqishme duke në horizont për të përfshirë shumë pjesë të Italisë duke filluar nga dita e shtunë.
Cikloni i fuqishëm i cili vjen nga Atlantiku përmes Francës pritet të forcohet në Mesdhe duke kushëzuar rrebeshe të fuqishme shiu me vetëtima, bubullimë dhe breshër në shumë pjesë të Italisë e më së shumti në pjesën perëndimore. Cikloni me frontet e tij do të kalojë Adriatikun dhe do të përfshijë edhe Ballkanin me reshje mjaft të dendura shiu sidomos në viset bregdetare që nga Sllovenia e deri në qendër të Shqipërisë.
Cikloni do të kushtëzojë reshje intensive në Itali, Slloveni, Kroaci, Bosnjë dhe Hercegovinë, Mal të Zi dhe Shqipëri. Rajonet që më së shumti pritet të përfshihen nga reshjet e dendura janë ato bregdetare.
Reshjet në Shqipëri pritet të fillojnë të hënën dhe atë fillimisht në veri dhe veriperëndim të vendit ku priten reshje të reja mjaft intensive. Porcione reshjesh priten edhe në Kosovë, sidomos në Dukagjin por për sasinë e reshjeve në Kosovë është ende herët të flitet. Deri atëherë të shijojmë moti e mirë dhe stabil gjatë kësaj fundjave./MeteoBallkan
