Disa stuhi të izoluara po përshkojnë disa pjesë të Republikës së Kosovës duke kushtëzuar erëra të fuqishme dhe rrebeshe lokalisht intensive shiu me ndonjë vetëtimë dhe bubullimë. Rrebeshet dhe stuhitë janë të izoluara dhe të përqëndruara vetëm në disa rajone, ndërsa shumë vise të Kosovës nuk kanë fare reshje shiu, madje asnjë pikë shiu.
Temperaturat shumë të larta dhe zagushia e madhe në kombinim me ajrin jo-stabil kanë kushtëzuar destabilizim të atmosferës në këto rajone ku shihen në hartë në fotografinë kryesore.
Stuhitë nuk pritet të zgjasin shumë dhe nuk pritet të prekin shumë pjesë të territorit, ndërsa orëve të mbrëmjes pason stabilizimi i atmosferës edhe në ato zona ku atmosfera është destabilizuar.
Rrebeshe lokale parashihen edhe të enjtën, ndërsa vazhdojnë temperaturat verore, me tendencë të uljes së lehtë të tyre. Nga e premta rrebeshet e shiut zhvendosen më shumë në lindje të Shqipërisë dhe perëndim të Maqedonisë së Veriut./METEOBALLKAN
