Fronti i ftohtë ajror po përparon në drejtim të Gadishullit Ballkanik dhe sot pritet të depërtojë në disa shtete ballkanike si në Slloveni, Kroaci, Bosnjë dhe Hercegovinë dhe Serbi ku vende-vende priten stuhi të fuqishme shiu me vetëtima, bubullimë dhe breshër.
Para frontit mund të krijohen disa shtrëngata mjaft të fuqishme para-frontale, kurse atmosfera so të bëhet jashtëzakonisht e paqëndrueshme me ardhjen e frontit të ftohtë në kontakt me temperaturat e larta me origjinë nga Afrika veriore.
Shtrëngata të fuqishme priten sidomos në shumë pjesë të Sllovenisë, Kroacisë, Bosnjës dhe Hercegovines dhe Serbisë, kurse të Martën sidomos destabilizim të motit presim edhe në Shqipëri, Kosovë, Lugina e Preshevës dhe Maqedoni Veriore.
Vende-Vende edhe te ne priten shtrëngata shiu e breshëri por ato do të duhej të ishin më të buta krahasuar me vendet e rajonit në drejtim të veriut dhe veriperëndimit.
Pra, fronti i ftohtë po përparon. Sot vendrt e rajonit e nesër apo të martën edhe në viset tona./MeteoBallkan
