Përderisa në Mesdheun perëndimor po ndërtohet kupola e nxehtësisë ekstreme e ajrit të nxehtë afrikan, në Ballkan kemi stabilizimin përfundimtar të atmosferës, dhe kjo masë e ngrohtë ajrore do të fillojë të ndikojë në Ballkan. Në Evropë po ashtu do të depërtojnë temperatura më të larta, por afërsia me Atlantikun do të bëjë të veten.
Frontet e Atlantikut mbeten më larg territoreve tona për shkak të bllokades anticiklonike e cila na siguron shumë dita stabile dhe të nxehta. Këto fronte do të depërtojnë në Francë duke krijuar kushte për stuhi të fuqishme kalimtare me breshër.
Më së shumti pritet të goditen shtetet e Beneluksit, Belgjika dhe Holanda ku priten shira të rrëmbyeshëm, erëra të fuqishme, breshër dhe vërshime të shpejta. Disa nga këto stuhi të izoluara do të depërtojnë edhe në Gjermani, por jo në tërë territorin gjerman.
Pas një ose ditëve do të ketë fronte të reja që së pari do të përfshijnë pjesë të Frances, pastaj Gjermanisë, Polonisë e deri në Austri, ndërsa fronti i fortë do të arrijë deri në Ballkan të enjten ku priten stuhi të fuqishme kalimtare në Slloveni, Kroacim veri të Bosnjës dhe pjesën veriore të Serbisë gjegjësisht në Vojvodinë.
Është pikëpyetje nëse ky front do të arrijë në Kosovë ditën e premte për shkak të bllokadës së fortë anticiklonike, por gjasat janë të arrijë në formë paksa më të dobësuar duke shkaktuar destabilizim të përkoshëm apo kalimtar të atmosferës.
Përderisa nxehtësia po përfshinë territoret tona dhe frontet e Atlantikut janë larg territoreve tona te ne nuk priten stuhi të paktën deri të premten, ngase stuhitë do të ndodhin në zonat e përplasjeve të masave ajrore të nxehta me origjinë nga Afrika Veriore dhe ato të freskëta nga Atlantiku e që janë Evropa perëndimore, qendrore dhe Skandinavia./METEOBALLKAN
