Cikloni i fundit dhe goditja e fundit polare e cila preku rajonin tonë në Kosovë shkaktoi erëra të fuqishme, ulje të temperaturave dhe reshje atmosferike, megjithatë reshjet atmosferike nuk ishin intensive. Ndryshe nga Kosova, Bosnja dhe Hercegovina dhe Serbia perëndimore dhe jugperëndimore janë goditur nga stuhi të fuqishme dimërore. Vlenë të theksohet se shumë pjesë të Serbisë jugperëndimore kanë mbetur pa energji elektrike dhe bora ka arritur sasinë deri në 30 cm, kurse në viset malore deri në 50 cm e lokaklisht edhe më shumë. Gjithashtu nga erërat e forta janë krijuar edhe mbetje të mëdha dëbore të cilat mund të shkaktojnë orteqe potenciale.
Reshje të dendura bore pati në këto rajone dy ditëve të shkuaram ndërsa, reshjet e herëpashershme të borës vazhdojnë ende por me intensitet shumë më të dobët.
Situatë dimërore në rajon pritet të mbajë deri në fund të kësaj jave. Nga fundjava dhe fillimi i javës së ardhshme pritet stabilizim i motit dhe ngritje e temperaturave./Meteoballkan
