Një ciklon mjaft i fuqishëm nga Atlantiku po depërton gradualisht në Francë dhe pritet të fuqizohet mes territorit të Francës dhe Anglisë duke kushtëzuar stuhi të fuqishme dhe rrebeshe intensive shiu në shumë pjesë të Francës, Britanisë së Madhe, shteteve të Beneluksit dhe pastaj të enjten më vonë edhe shumë pjesë të Gjermanisë.
Masat mjaft të fuqishme ciklonike do të fillojnë të ndikojnë edhe në motin në viset tona, fillimisht duke u fuqizuar erërat jugprëndimore dhe pasta mëngjesin e së Premten mund të kemi një sistem frontal me rrebeshe lokalisht intensive shiu me vetëtima dhe bubullimë në Mal të Zi, Shqipëri dhe pjesë të Kosovës.
Këto masa ciklonike do të shkaktojnë destabilizim mjaft të fuiqshëm të motit që nga Britania e Madhe e Franca e deri në viset tona.
Fillimisht sonte dhe nesër në mëngjes stuhi intensive lokalisht priten në Francë, Belgjikë dhe Holandë, pastaj nesër në pjesë të Gjermanisë.
Mot më dinamik po parashihet në Evropë dhe në viset tona me afrimin e këtyre masave të fuqishme ciklonike, por temperaturat nuk do të pësojnë ulje sepse rrymimet ajrore në viset tona do të jenë të fuqishme nga jugu e perëndimi.
E enjta në Kosovë sjellë mot me rrymime ajrore apo erëra vende-vende paksa të fuqishme nga jugperëndimi, intervale kohore me diell dhe vranësira lokale. Gjatë natës apo mëngjesin e së Premten reshje dhe rrebeshe intensive nga Shqipëria dhe Mali i Zi përfshijnë përkohësisht edhe Kosovën.
Edhe pas kalimit të këtij sistemi mot mjaft dinamik dhe me reshje të herëpashershme pritet të kemi edhe gjatë fundjavës dhe sidomos në fillim të javës së re kur mund të kemi një valë me reshje të dendura atmosferike./MeteoBallkan
