Kësaj radhe po fokusohemi sidomos në territorin e Bosnjës dhe Hercegovinës ku priten reshje të dendura bore dhe stuhi të vërteta dimërore gjatë ditëve të ardhshme. Nuk do të kalojë fare lehtë edhe perëndimi dhe jugperëndimi i shtetit fqinj verior.
Gjithsesi reshje bore presim edhe në Kosovë dhe viset në Shqipëri ku tradicionalisht bie borë, por kësaj radhe po tërheq vëmendjen bora e madhe që pritet në Bosnjë dhe Hercegovinë dhe perëndim-jugperëndim të Serbisë.
Duhet potencuar fakti se në ultësirat e Bosnjës dhe Hercegovinës priten të paktën 50 cm. trashësi bore që është një sasi mjaft e madhe për zonat e ulëta, ndërsa të mos përmendim malet e Bosnjës ku trashësia e borës do të shkojë dukshëm mbi një metër.
Pas Bonjës ku veq kanë filluar reshje të dendura bore,fFronti i ftohtë që pritet sonte gjatë natës do të kushtëzojë reshje bore edhe në Kosovë dhe zbardhjen e shumë ultësirave sidomos në Rrafshin e Kosovës. Pas frontit të ftohtë do të pasojë ulja e temperaturave. Të Dielen moti do të përmirësohet shkurtimisht, por pastaj do të kemi ciklonin e ri dhe pikërisht ky cikloni i ri fillimit të javës së re do të shkaktojë bllokadë totale në Bosnjë dhe Hercegovinë me reshje të dendura bore dhe stuhi bore.
Sipac ecurive aktuale në viset tona do të ketë më pak borë, por shumë kënaqshëm për ti shijuar shumë ditë dimërore. Ndoshta jo të gjithë do të mbeten të kënaqur, por kjo ende mbetet diskutabile sidomos zonat më të ulëta të Dukagjinit.
Modelet ende do të kenë ndryshime në përditësimet e tyre dhe mund të shtojnë sasinë e borë ose eventualisht edhe mund të zvogëlojnë por kjo është gjendja sipas parashikimeve më të fundit. /MeteoBallkan
