Stuhi të fuqishme me rrebeshe mjaft intensive shiu me vetëtima, bubullimë dhe breshër kanë përfshirë sot veriun e Italisë.
Sistemi i fuqishëm ciklonik është krijuar në veri dhe masa ajrore jo-stabile shtrihet deri në Afriken veriore ku rrebeshe të fuqishme shiu me vetëtima dhe bubullimë në shumë pjesë të Algjerisë, Marokos dhe Tunizisë.
Reshje shiu vende-vende intensive fillimisht kanë përfshirë pjesë të Francës që kanë depërtuar nga Atlantiku për tu intensifikuar në Itali dhe Mesdhe. Në perëndim të Evropes si pasojë e këtyre zhvillimeve sinoptike temperaturat kanë shënuar ulje të ndjeshme. Temperaturat verore po rezistojnë ende në lindje dhe juglindje të Evropes ku gjendemi ne.
Sistemet e vranësirave dhe rrebesheve lokale do të fillojnë të shtrihen gradualisht edhe në viset tona, fillimisht të Enjten një stuhi shiu me bubullima mund të përfshijë bregdetin shqiptar, pastaj disa zhvillime konvektive priten edhe në Kosovë, por këto nuk prite të zgjasin shumë.
Të Premten po ashtu do të ketë diell, por edhe zhvillime të rrebesheve lokale të shiut me vetëtima dhe bubullimë, ndërsa për fundjavë vranësira të dendura përfshijnë Shqipërisë me reshje e rrebeshe të herëpashershme shiu të cilat nganjëherë do të përfshijnë edhe Kosovës.
Pra, sisteme stuhish të fuqishme këto ditë do të kapin prapë shumë pjesë të Italisë dhe veriperëndimin e Ballkanit. Në viset tona ende shumë nxehtë, por këto sisteme do të shtrihen gradualisht në viset tona me afrimin e fundjavës, normalisht dukshëm më të dobësuara se sa në Itali dhe Dalmaci, por kjo nuk do të thotë se edhe në disa vise tona nuk mund të kemi rrebeshe intensive. Kjo mbetet të ndjeket./MeteoBallkan
