Cikloni i fuqishëm pritet të fuqizojë ndikimin e tij në juglindje të Evropes duke kushtëzuar stuhi të reja të fuqishme sidomos në Greqi, pjesë të Shqipërisë dhe Maqedoninë e Veriut.
Reshje intensive dhe rrebeshe mjaft të fuqishme shiu me bubullima dhe erëra priten nga sot veçanërisht në pjesën më të madhe të Greqisë, pjesën evropiane të Turqisë, Maqedoninë Veriore, lindje-juglindje dhe vise të Shqipërisë si dhe në disa vise të Kosoves.
Maqedonia Veriore dje u përfshi nga disa sisteme të fuqishme me rrebeshe të rrëmbyeshme shiu me vetëtima dhe bubullimë dhe sot e deri në fund të kësaj jave pritet të ketë stuhi dhe rrebeshe të reja, disa prej tyre mjaft të fuqishme me reshje intensive dhe të rrëmbyeshme. Nuk do të jenë imun nga këto fenomene as territori i Shqipërisë dhe Kosoves, por në Shqipëri dhe Kosove reshjet pritet të jenë më të lokalizuara dhe ndoshta më pak intensive./MeteoBallkan
