Masa të fuqishme ajrore ciklonike kanë depërtuar nga Atlantiku në drejtim të Evropës, Alpeve deri në Itali. Në anën tjetër në Rusi kemi masën jashtëzakonisht të fuqishme ajrore anticiklonike dhe këto dy masa ajrore janë në kontakt të vazhdueshëm duke shkaktuar destabilizim të fuqishëm të motit veçanërisht në Ballkanin veriperëndimor dhe Evropën qendrore, lokalisht edhe në shumë rajone tjera. Këtë e kemi përmendur edhe në motin javor.
Pasi që në drejtim të Kosovës kemi rrymime ajrore të ngrohta nga jugu reshjet sporadike që janë duke rënë vende-vende janë kryesisht shi, ndërsa në Ballkanin veriperëndimor, pra Slloveni dhe disa pjesë të Kroacisë kemi ajrin e ftohtë i cili kushtëzojë edhe reshje të dendura bore. Kjo gjendje sinoptike do të vazhdojë edhe ditëve të ardhshme me tendencë të ngritjes së temperaturave edhe në Ballkanin veriperëndimor.
Në anën tjetër në Alpe ditëve të ardhshme priten reshje intensive dhe të dendura bore të cilat do të arrijë trashësinë deri në 4 metra me potencial për krijimin e orteqeve të rrezikshme.
Në rajonin tonë do të vazhdojnë erëra “e ngrohta” jugore dhe juglindore. Nuk pritet ndonjë ekstrem, përpos reshjeve të herëpashershme lokale të shiut, ndërsa në malet e larta reshje të herëpashershme bore.
Mbrëmjen e së dielën dhe mëngjesin e së hënës si në Shqipëri, po ashtu edhe në Kosovë dhe Maqedoninë Veriore do të kemi reshje të dendura shiu, ndërsa në malet e larta do të kemi reshje të dendura bore./Meteoballkan
Main image By: Windy.com
