Para një ore erëra të fuqishme përfshinë rajonin e Llapit, Gollakut, Prishtinës, Fushë Kosovës dhe deri në Gjilan dhe Kamenicë dhe ishin pasojë e sistemit të fuqishëm të stuhisë në Serbi e cila dërmoi Serbinë me rrebeshe intensive shiu, erëra shumë të fuqishme dhe breshër. Sistemi tani është larguar në territorin bullgar dhe rumun, prandaj nuk ka asnjë rrezik për Kosovës.
Megjithatë një sistem tjetër nga Italia veriore dhe Sllovenia tani ka hyrë në Kroaci ku ka rrebeshe dhe stuhi shiu me vetëtima dhe bubullimë. Ky sistem pritet të ketë trajektoren e ngjashme me sistemin e kaluar, megjithatë mund të ketë ndryshime të vogla dhe në orët e mëngjesit mund të prekë edhe territorin e Republikës së Kosovës.
Sipas modeleve pritet të preken pak a shumë veriu dhe verilindja e Kosovë, por duke pas para sysh se në këto raste nuk ka projeksion 100% të sakte mund të ndodhë ndonjë surprisë.
Sidoqoftë, deri në mëngjes në Kosovë pritet mot stabil. Në mëgjes në veri dhe verilindje mund të ketë ndonjë stuhi dhe rrebeshe kalimtare. Lokalisht edhe në ndonjë rajon tjetër. Atmosfera jashtëzakonisht jo-stabile në shtetet fqinje e bënë të pamundur parashikimin krejtësisht të saktë, por nesër (e enjte) mund të ndodhë ndonjë surprisë edhe Kosovë. Përndyshe ne do të jemi nën ndikimin e temperaturave mjaft të larta. Freskime afatshkurtra do të ketë nesër në disa rajone, por në çfarë përmase mbetet të shihet./METEOBALLKAN
