Pjesë të Shqipërisë dhe Dukagjinit të Republikës së Kosovës janë përfshirë tani nag rrebeshe lokale shiu me vetëtima dhe bubullimë, ndërsa ka edhe erëra mjaft të fuqishme.
Nga Shqipëria, Mali i Zi dhe Dukagjini ky sistem reshjesh dhe rrebeshesh shiu do të zhvendoset drejt pjesëve tjera të Republikës së Kosovës, Maqedonisë së Veriut dhe Luginës ës Preshevës, ku vende-vende priten shtrëngata të fuqishme rrebeshe intensive shiu me vetëtima, bubullimë dhe breshër.
Ky sistem frontal do të kalojë shumë shpejtë për të pasuar një qetësim sadopak i atmosferës në Kosovë, por reshje mjaft intensive vazhdojnë në Shqipëri.
E shtuna sjellë reshje të reja shiu në Kosovë, ndërsa në Shqipëri dhe Maqedoninë Veriore priten rrebeshe mjaft intensive shiu me vetëtima dhe bubullimë ku mund të ketë edhe vërshime.
E diela sjellë erëra të fuqishme dhe përsëri pasdite rrebeshe lokale shiu në shumë pjesë të territoreve tona./MeteoBallkan
