Përderisa mbi territoret do të vendoset masa stabile anticiklonike në Evropë masa jo-stabile ciklonike depërtojnë nga Atlantiku duke shkaktuar freskim dhe destabilizim të fuqishëm të motit.
Anticikloni i thatë do të shoqërohet edhe me masa ajrore mjaft të nxehta me origjinë nga Afrika Veriore dhe temperaturat mund të prekin përsëri 40 gradë Celsius, ndërsa në shumë pjesë të Evropës do të vazhdojë dominimi i Atlantikut të freskët dhe jo-stabil. Herë pas here edhe në Evropë kemi depërtim afatshkurtër të nxehtit për ti dhënë energji stuhive të fuqishme nga Atlantiku.
Rajonet në të cilat më së shumti priten treshje shiu dhe stuhi me bubullima janë Italia veriore, Zvicra jugore dhe lokalisht edhe pjesë tjera të Zvicrës, pastaj Austria, Çekia, Sllovakia, si dhe shumë pjesë të Skandinavisë. Më vonë pritet të preket edhe Sllovenia në disa rajone dhe Kroacia.
Edhe në Gjermani, shtetet e beneluksit dhe Britaninë e Madhe priten rrebeshe të herëpashershme shiu dhe nganjëherë edhe ndonjë stuhi e fuqishme kalimtare por reshjet më të mëdha priten në rajonet e lartëcekura.
Te ne nxehtë dhe me diell, por nesër mund të ketë rrebeshe të izoluara shiu me vetëtima dhe bubullimë në disa pjesë të Kosovës./Meteoballkan
