Japoni dhe Gadishulli Korean janë goditur nga tajfuni i fuqishëm Maysak me erëra 130 milje në orë (215 kilometra në orë) .
Një anije mallrash është fundosur mbrëmjen e djeshme në ujërat e detit japonez deri tani vetëm një person është shpëtuar ndërsa 42 të tjera janë të zhdukur dhe nuk dihet fati i tyre.
Sipas medieve Japoneze anija e mallrave kishte në bordin e saj 43 persona dhe mbi 6 mijë bagëti ndërsa po udhëtonte në mesin e tajfunit.
I shpëtuari është një 45 vjeçar filipinas i cili gjatë momentit kur anija po fundosej ai kishte veshur jelekun e shpëtimit dhe ishte hedhur në ujë derisa aeroplanët e mbikëqyrjes së marinës japoneze P-3C erdhën dhe e shpëtuan.
Tajfuni kishte shkaktuar rrëzimin e pemëve dhe përmbytje të mëdha në pjesë të Koresë së Jugut, duke dëmtuar plotësisht sistemin elektrik për më shumë se 270,000 shtëpi dhe duke lënë të paktën një person të vdekur deri tani.
