Pasi i mbijetoi natës kur uragani Beryl përshkoi shtëpinë e saj idilike në ishullin Union, Katrina Coy u befasua nga shtrirja e shkatërrimit që shtrihej përpara saj.
Ajo tha se pothuajse çdo ndërtesë në ishull, që shtrihet pranë St Vincent dhe Grenadines, është bërë rrafsh me tokë ose dëmtuar rëndë, transmeton Telegrafi.
“Ishulli Union është në një gjendje të tmerrshme, pasi uragani Beryl kaloi. Me një fjalë tërë banorët e ishullit kanë mbetur të pastrehë”, tha Coy në një video-mesazh.
“Vështirë se ka ndonjë ndërtesë që ka mbetur e padëmtuar. Shtëpisë janë bërë rrafsh me tokë, rrugët janë bllokuara, kurse shtyllat elektrike kanë përfunduar nëpër rrugë”, shtoi ajo.
Me këtë pajtohet edhe peshkatari dhe guida turistike Sebastien Sailly.
“Gjithçka është humbur. Nuk kam ku të jetojë tani”, tha ai.
Është banor i ishullit që nga vitit 1985, i mbijetoi uraganit Ivan më 2004, por Berlyl thotë ai ishte në një nivel tjetër.
“Është sikur një tornado të ketë kaluar këndej. 90 për qind e ishullit është shkatërruar”, theksoi peshkatari Sailly.
Shoku dhe frika janë ende në mendjen e banorëve, e në veçanti të këtij peshkatari.
“Po strehoheshim me gruan dhe vajzën dhe të them të drejtën, nuk isha i sigurtë nëse do të mbijetojmë”, tha ai.
Kushërira e tij, Alizee, e cila menaxhon një hotel me familjen e saj, ka përshkruar përvojën e tmerrshme derisa Beryl po kalonte në qytetin e tyre.
Ajo tha se janë detyruar të vendosin mobiliet në dyer dhe dritare, me qëllim që t’i mbijetojnë erërave të forta.
“Presioni ishte aq i madh, sa që mund të ndjeje në veshë. E dëgjonim çatinë duke u ndarë në dysh dhe përplasej me objektet e tjera”, shtoi Alizee.
Uragani Berly goditi ishullin të hënë – ku erërat frynin me shpejtësi prej 240 kilometra në orë. Mijëra banorë kanë mbetur edhe pa energji elektrike dhe shumica prej tyre gjenden nëpër strehimore në St Vincent dhe Grenadines.
Hurricane #Beryl is not weakening right now—in fact, she may be re-strengthening. Superchilled, -112 Fahrenheit convection is wrapping around her core once again, refrigerating her stormy blood back to an alarmingly powerful temperature. Her eye, seeking to gaze the lucid… pic.twitter.com/6jxYKp66C1
— Backpirch Weather (@BackpirchCrew) July 3, 2024
