Edhe dy ditë pritet ti kemi të ngrohta pranverore për këtë fillim të muajit Mars, ndërsa të shtunën nga veriu i Kontinentit pritet të kemi depërtimin e një fronti të ftohtë ajror i cili do të kushtëzojë ulje të ndjeshme të temperaturave.
Fronti do të kushtëzojë edhe erëra të ftohta veriore dhe verilindore. Vende-vende priten edhe reshje shiu, por nuk priten reshje të mëdha. Po ashtu në viset kodrinore-malore priten edhe reshje bore. Reshjet e borës mund të paraqitën shkurtimisht edhe në disa qytete ose qyteza të Republikës së Kosovës.
Në përgjithësi reshjet do të jenë pakta dhe nuk do të përfshijnë tërë territorin. Netët dhe mëngjeset pas të shtunës do të jenë përsëri të ftohta dhe me ngrica, por edhe ditët do të jenë të freskëta dhe kjo do të na bëjë me dije se ende jemi në stinën e dimrit, megjithatë nuk pritet ndonjë acar i fortë siberik./Meteoballkan
