Temperaturat e larta sot kanë arritur kulminacionin në territoret tona, ndërsa fronti i ftohtë po përshkon Ballkanin perëndimor dhe veriperëndimor.
Temperaturat në Kosovë kanë arritur deri në 34 gradë Celsius, ndërsa fare lehtë mund të ndodhë që termometri të shënojë 35 gradë Celsius, megjithatë në Shqipëri dhe Maqedoninë e Veriut temperatura ka arritur deri në 35 gradë Celsius në viset më të nxehta të rajonit.
Fronti i ftohtë ka arritur deri në kufi me Malin e Zi dhe po sjellë shira të dendur në Kroaci dhe Bosnjë dhe Herceoginë tani. Në orët e ardhshme pritet të zgjerohet drejt Malit të Zi, ndërsa do të stacionohet në territoret e Bosnjës dhe Kroacisë duke bërë progres të ngadalshëm drejt Serbisë dhe Malit të Zi.
Më në fund vonë në mbrëmje fronti nga deti pritet të arrijë në bregdetin shqiptar nga deti me sisteme stuhish me vetëtima dhe bubullimë, ndërsa në Kosovë arrin të dielën, fillimisht me reshje lokale e pastaj me zhvillime mjaft të fuqishme konvektive dhe ulje të temperaturave.
Fronti ka rritur temperaturat në vendet tona ngase ka shtyrë ajrin shumë të nxehtë pikërisht në drejtim të territoreve tona dhe deri në derërtimin e tij te ne do të jetë shumë nxehtë. Me depërtimin e tij nesër do të pasojë ulja e temperaturave.
Sot po shënohet dita më e nxehtë e Shtatorit 2023 në Kosovë./METEOBALLKAN
