Siç po shihet edhe në fotografinë kryesore temperaturat kanë pësuar rritje të ndjeshme në rajonin tonë dhe pothuajse edhe në rajonet malore nuk kemi minuse me përjashtim të maleve të Bosnjës ku shihet temperatura – 1 gradë Celsius. Normalisht përkundër ngritjes së temperaturave do të kemi minuse të lehta në viset malore, por edhe në disa ultësira për arsye të inversionit të mundshëm të temperaturave gjatë netëve dhe mëngjeseve, por e tëra do të jetë kalimtare. Inversioni i temperaturave mund të krijojë mjegull gjatë orëve të vona të natës dhe orëve të hershme të mëngjesit, sidoqoftë gjatë ditëve të ardhshme priten rritje të mëtutjeshme të temperatuave veçanërisht gjatë fundjavës ku temperaturat do të jenë në plus edhe në viset më larta malore. Pritet shkrirja e borës dhe ekziston potencial për rritje të sërishme të nivelit të lumenjve dhe përrockave përgjatëve viseve malore.
Gjatë fillimit të javës tjetër priten edhe reshje shiu dhe mundësi për rrebeshe me vetëtima dhe bubullimë.Meteoballkan