Masa më të nxehta ajrore do të depërtojnë në rajonin tonë nga dita e nesërme e tutje. Pra, do të kemi një rikthim të temperaturave pranverore por në disa rajone priten edhe temperatura verore.
Kjo vjenë e si pasojë e depërtimit të masave të thata dhe të nxehta ajrore me origjinë nga Afrika Veriore dhe Mesdheu.
Sipas përllogaritjeve të modelit amerikan për parashikim të motit GFS këto do të jenë temperaturat maksimale në rajonin tonë këtë fundjavë ku nga fotografia poshtë vërehet se Kosova do të ketë temperaturen maksimale rreth 25 gradë celsius, Shqipëria rreth 27, ndërsa Maqedonia Veriore rreth 28 gradë celsius në nivel vendi. Vlen të theksohet se këto rezultate të modeleve mund të mos jenë tërësisht të sakta. Këtë e themi në bazë të përvojës sonë. Ky është një informacion i përgjithshëm dhe modeli nuk kap çdo pjesë të rajoni, megjithatë këtu mund të bazoheni përafërsisht për temperaturat në rajonin tuaj./Meteoballkan
