Goditja dimërore tanimë është e pashmangshme në rajonin tonë. Diskutabile mbetet ende fuqia e të ftohtit arktik dhe sasia e reshjeve eventuale të borës.
Ajri i ftohtë siberik do të jetë i qëndrueshëm sepse ka prejardhje kontinentale direkt nga Siberia dhe shpeshherë në këto raste acari është i thatë, megjithatë reshje dëbore priten gjatë kalimit të frontit të ftohtë, dhe ndoshta edhe nga një ciklon i cili pritet të formohet përtej Italisë jugore dhe do të rrugëtojë në drejtim të Greqisë. Cikloni pritet të sjell borë në Shqipëri dhe Maqedoninë Veriore, por Kosova mbetet pak larg nga qendra e ciklonit, sidoqoftë priten fjolla dëbore (në rastin më të keq). Çdo shtrirje e ciklonit qoftë edhe vetëm disa km. në drejtim të tokës nga deti mund të sjelle reshje të dendura bore, por kjo mbetet ende vetëm një opsion i mundshëm për shkak se anticikloni shumë i fuqishëm skandinav mund të mos lejojë një gjë të tillë. Shanse më të shumta për më borë sipas ecurive aktuale ka Tirana se sa Prishtina besoni apo jo!? Por, kjo mund të ndryshojë ende.
Kësaj radhe po fokusohemi tek temperaturat minimale që priten në kulmin e të ftohtit rreth 15 Shkurtit. Pra shihet se nëpër ultësira temperaturat minimale mund do të sillën nga-1 në bregdet deri në -12 në viset kontinentale, ndërsa ato minmalet në viset e larta malore mund të ulën deri në -22 gradë Celsius.
Këto të dhëna nga ky model nuk do të thotë se janë 100 të sakta por këtu mund të shihni fotografinë dhe përafërsisht mund të orientoheni për rajonin tuaj./Meteoballkan
Detaje tjera ditëve të ardhsme.