Pas stabilizimit qoftë edhe afatshkurtër të motit menjëherë kemi ngritjen e temperaturave në rajonin tonë. Në fotografinë kryesore kemi temperaturat në tërë Kontinentin Evropian.
Më së nxehti gjatë ditës së sotme në Evropë ka qenë në Rusinë Jugore dhe Turqi ku temperaturat kanë arritur dhe tejkaluar 30 gradë celsius. Nxehtë është edhe në Gadishullin Iberik po jo shumë nxehtë. Më së ftohti është në Skandinavi dhe në rajonet Alpine. Mjaft nxehtë sot është edhe në Greqi ku temperaturat i janë afruar shifrës 30 gradë celsius. Një masë mjaft e ftohtë ajrore nga Oqeani Atlantik ka përfshirë pjesë veriore dhe verilindore të Gadishullit Iberik duke ulur temperaturat.
Edhe nesër në rajonin tonë pritet të kemi mot kryesisht stabil, me diell, por edhe me vranësira, gjithashtu do të jetë edhe mjaft nxehtë posaqërisht në rajonet ku nuk do të ketë vranësira./Meteoballkan
