Edhe pse jemi në mes të Korrikut temperaturat janë dukshëm nën vlerat mesatare për këtë periudhë kohore në tërë rajonin. Këtë po e shkakton cikloni i cili ende gjendet në Shqipëri dhe po kushtëzon reshje shiu, kurse tani po ka përfshirë Greqinë me stuhi të fuqishme verore. Vetëm veriu i Shqipërisë është më i nxehtë se viset tjera.
Gjatë natës cikloni do të largohet dhe do të pasojnë kthjellimet në tërë rajonin. Moti do të stabilizohet në bregdet nga mëngjesi i nesërm, kurse gjatë ditës pritet ngritje graduale e temperaturave. Priten edhe vranësira kalimtare.
Përndryshe Italia jugore dhe Greqia përsëri janë përfshirë nga shtrëngata të fuqishme me breshër dhe vërshime, por nga nesër edhe atje pritet stabilizim i motit si pasojë e depërtimit të masave ajrore stabile anticiklonike./Meteoballkan
