Këtë paradite e tërë Evropa gjendet nën ndikimin e masave mjaft të nxehta ajrore, me përjashtim të veriperëndimit dhe disa viseve në veri të Kontinentit të Vjetër ku mbizotërojnë masa të freskëta ajrore me origjinë nga Oqeani Atlantik.
Më së nxehti është në juglindje të Evropes, gjegjësisht në Greqi ku siç shihet temperatura ishte 40 gradë Celsius. Shumë nxehtë është edhe në jugperëndim të Turqisë, pastaj në Shqipëri me temperatura 35 – 36 gradë Celsius në orën 10 : 00 të paradites. Vapë e madhe është edhe në Bullgari, Maqedoninë e Veriut, Spanjë, Francë, Itali, Ukrainë, madje edhe në Rusi.
Vapa verore pritet të vazhdojë edhe më tutje, por siç theksuam edhe në postimet tjera Kosova pritet të freskohet sadopak sot pasdite nga një sistem i mundshëm stuhishë lokale ku priten rrebeshe lokale shiu me vetëtima, bubullimë dhe erëra të fuqishme kalimtare./MeteoBallkan
