Siç po shihet edhe në fotografinë kryesore sot në rajonin tonë mbajti mot i vërtetë pranveror me temperatura deri 20 gradë Celsius në Kosovë, ndërsa në Shqipëri ishte për disa gradë më nxehtë. Në foto shihet 21, por në shumë rajone ku nuk ka aparatura për regjistrim të temperaturave ka qenë për disa gradë më nxehtë.
Në anën tjetër mund të shikoni Siberinë ku temperatura momentale e regjistruar është -35 gradë Celsius.
Edhe nesër mot pranveror tek ne me shtim të vranësirave në mbrëmje dhe reshje shiu, vende-vende me rrebeshe me vetëtima dhe bubullimë. Në fund të javës tjetër në Skandinavi do të kemi krijimin e një super-anticikloni i cili do të mundësojë depërtimin e mases ekstreme të ftohtë ajrore nga Siberia në Gadishullin Ballkanik./Meteoballkan
