Si pasojë e depërtimit të masave ajrore me origjinë polare dhe kthjellimit të motit sonte gjatë natës do të jetë mjaft ftohtë. Temperaturat minimale gjatë natës do të shkojnë nga minus 6 deri në minus 16 gradë celsius varësisht nga lartësia mbidetare. Në viset malore do të jetë jashtëzakonisht ftohtë, por edhe nëpër ultësira, posaqërisht nëse vjen deri te krijimi i mjegullnajave.
Në foton kryesore dhe brenda artikullit keni temperaturat që do të mbretërojnë sonte gjatë natës sipas modelit global për parashikim të motit GFS. Në fotografi normalisht se mund të orientoheni përafërsisht për rajonin tuaj.
Përndryshe sipas ecurive aktuale sinoptike nga dita e nesërme pritet që mbi rajonin tonë të fillojnë të depërtojnë masa pak më të nxehta ajrore me origjinë nga Atlantiku dhe Afrika Veriore. Një anticiklon i fuqishëm me qendër në Libi dhe Egjipt do të shtrijë ndikimin e tij nga e enjta dhe e premta në drejtim të rajonit tonë duke ngritur temperaturat dhe në disa rajone edhe duke shkrirë borën./Meteoballkan
FOTO : Meteociel
