Mëngjesi i sotëm ishte shumë i ftohtë, por kjo gjendje është krejtësisht normale për këtë periudhë kohore sepse gjendemi në mes të stinës së dimrit. Ciklone të fuqishme goditen dhe ende janë aktive sidomos në Turqi, ndërsa mungesa e një cikloni në Detin Adriatik ose Jon ose pak më larg kushtëzojë që i ftohti në rajonin tonë të jetë i thatë. Reshje bore pati ditëve të kaluara në shumë vise kontinentale të Kosovës ku janë grumbulluar deri në 10 cm. madje në disa vise deri 25 cm. Në anën tjetër ky dimër deri më tani ka qenë jashtëzakonisht i varfër me reshje bore për shumë rajone të Dukagjinit.
Ngjyra e kaltër dhe disa ngjyra më të mbyllta në fotot kryesore tregojnë ashpërsinë e të ftohtit polar në rajon. “Minuse” të thella pati në Kosovë, Mal të Zi, Serbi, Bosnjë dhe Hercegovinë, Shqipëri, Greqi, Turqi etj.
-24.8 u regjistrua temperatura më e ulët në Sjenicë, Serbinë jugperëndimore, ndërsa në Mal të Zi u thye një rekord sipas disa mediumeve. Në Kosovë temperatura më e ulët u regjistrua në Aeroportin e Sllatines -18 gradë Celsius. Acar kishte edhe në Shqipërinë bregdetare dhe mesdhetare, ndërsa në kontinenet acari ishte mjaft i fortë brenda territorin të Shqipërisë.
Mungesa e reshjeve të dendura të borës në rajonin tonë po shkakton frustracione te entuziastët e reshjeve të borës, por ka gjasa që krejt në fund të Janarit dhe fillim të Shkurtit të kemi edhe ne ciklonin tonë dimëror që mund të na sjellë reshje të dendura bore, por kjo nuk është ende krejtësisht e sigurtë, prandaj duhet të presim me qetësi evoluimin e gjendjes sinoptike./MeteoBallkan