Ajri i nxehtë afrikan ka pushtuar rajonin tonë duke kushtëzuar rritje të mëdha të temperaturave.
Temperaturat reale në orën 15:00 në Gjilan ishte 36°C, ndërsa në Aeroport 35°C. Ajo çfarë e bënë të nxehtit ekstrem sot është ndjesia subjektive e nxehtësisë e cila siç shihet në foton poshtë në Kosovë ka arritur deri në 40° – 41°. Por kjo nuk është temperatura reale e regjistruar sipas standardeve empirike meteorologjike.
Në Maqedoninë veriore dhe Shqipëri temperatura reale ka arritur deri në 39 gradë Celsius, ndërsa ndjesia subjektive e nxehtësië në Shqipëri ka arritur deri në 43°.
Nuk përjashtohet mundësia që të ketë rritje edhe për ndonjë gradë, por lagështia relative e lartë e ajrit po e bën të nxehtit e sotëm mjaft të rëndë për tu përballuar.
Nxehtësia afrikane do të vazhdojë edhe disa ditë me rritje të mëtujeshme të temperaturave maksimale. Kosova mund të flladitet nesër pasdite me ndonjë rrebesh të izoluar shiu me vetëtima dhe bubullimë dhe mundësi për breshër lokal, por shumica e territorit do mbete me vapë të fortë dhe pa reshje./Meteoballkan
